Monday, February 25, 2008

إلى أعضاء منتدانا الغالى "مجانين"ـ

السلام عليكم ورحمة الله وبركاته
والله انا مبسوط جدا انكم موجودين هنا معانا لحد ما يتم عمل منتدى جديد خاص بينا
مديرتنا الغالية (وردايا) والله بصراحة كتر خيرها اشترت مساحة على النت وبتظبط المنتدى لوحدها هى ومبرمج واحد فقط وطبعا ده جهد كبير جدا عليها لأنها بتقوم بالشغل ده بالإضافة لشغلها بتاع الشركة فياريت كلنا ندعيلها ربنا يوفقها ويساعدها انها تقدر تخلص المنتدى بسرعة علشان تقدر ترجع تنتبه لشغلها تانى
انا ملاحظ إننا مش قادرين نظبط معاد مع بعض كل اللى بيدخل تقريبا بيدخل لوحده فهانى اقترح اننا نعلن عن ميعاد نكون كلنا موجودين فيه بحيث ان اللى عاوز يسأل على حاجة نبقى كلنا موجودين مع بعض فى نفس الوقت
وان شاء الله الميعاد يكون يوم الأربعاء27/2/2008 الساعة 8 مساء وكل اللى محتاج يقول حاجة يجهزها وان شاء الله نكون كلنا موجودين على المدونة
نلقاكم على خير

Sunday, February 17, 2008

ملتقى الأحبة

السلام عليكم ورحمة الله بركاته
أخوانى وأخواتى أعضاء منتدانا الغالى منتدى مجانين
احنا فى محنة ولازم نقف مع بعض لحد ما نخطيها لبر الأمان بسلام
عاوزين نلتقى هنا عند عمو نبيل علشان ما نحسش اننا فى غربة
هنا بيتنا الحقيقى بيت العيلة بجد وزى ما عمونبيل كان بيجمعنا كلنا فى المنتدى وكان نفسه نتجمع عنه فى مزرعته الخضراء ياريت نتجمع هنا وكل اللى عاوزينه نتكبه هنا بوضع مؤقت لحد ما نلاقى بيت كبير وواسع بس يكون بتاعنا ورايحينه بمزاجنا مش مجبرين عليه علشان نسترجع فيه كل ذكرياتنا وأيامنا من جديد
اخواتى حبايب منتظركم هنا على أحر من الجمر