Sunday, January 7, 2007

اسم الله عليه

اسم الله عليـه اسم الله عليـه
سعــادة البيـه اسم الله علـيه
اللحمـة راحـت بـيت البيـه
والفـراخ خـدها ابـن الايـه
والبيضـة بقـى تمنـها جنيـه
والبـلطى بنـلف ندور عليـه
يـادى النـيلة علينــا وعليـه
دا تـاجر الـى بحكى عليــه
تاجر ايـه دا ناأقصــد بـيـه
قاعد مرتاح ومدلدل رجلي
هاسم الله عليـه اسم الله عليـه
سعادة البيـــه اسم الله عليـه

سنة وضرس

سنة وضرس والم ياما
يوم أول أمس كان يوم مطر ووجع جانا
فى الفم وجع وفى الدماغ صداع آه يانا
ضرس عايم والسنة بتسندووياه هيمانا
نعلت حذائى ولبست قفطانى وعالكتف
حطيط العبايا......مزيانا....وعكازى
فىاليمين وبالشمال على كتف الحفيد
سندتى حنانا....وقبل مارجع فى كلمتى
قولتلو يلا بينا يا وليدى الوحدة الصحية
قريبة فى الخلف يا هنايا....نشوف حل
هناك خدوا جنيه زيارة ....لمين موش
عارف
وفوق منه ربع جنيه معونة شتا وقلت
والله الدنيا بتمطر والحسنة جارية
وجتفى وقتها والثواب حلو لما يجى صدفة
وانت موش ناوى....المهم بعد يجى
ساعة وفوقها شوية دقايق....نادونى
وقالوا آخر غرفة ما بعدهاش تانى ودخل
الحفيد وناول ورقة بيقولوا عليها تذكرة
مكتوبة بالفارسى لأن كتابة العرب عليها
موش باين ....ناولها لبنت لابسة مريلة
لونها مقارب الأبيض المغسول من غير
مسحوق وتحتها حاجة لونها كالكحلى بس
ايه هية موش عارف يابنطلون يا بنطلون
بس اكيد بنطلون والرب مسامح عالنظرة
اصلها طالت من الفزعة بس والله ماكنت
قاصد ....المهم دخلتنى الغرفة مليانة
انابيب تشيل من البترول طن وزيادة وفيها
كرسى يقعد عليه وزير وخمس حراس....
قباضايا وقالت لأفندى جالس على مكتب
خلع ياباشا وقام الباشا الصغنون وراح باصص
ولابس جوانتى وقال انى واحد العيل ولا
الراجل قالت مين فيكو رد ياحاج رحت عالسرير
راقد وقولتلو اكشف وشوف يمكن العلاجيكون نافع ...
.قال الخلع احسنلك من الوجع
وراح حاطط ابرة حديد بعدها ما حسيت الا
بالحفيد بيناول الجدة قطنة وبيقولها الباشمهندس
لفلى السنه واضرس وقالى اديهم لماما أصل جدو
كان نايم ....قالتلوا افحت حفرة وفى التراب
وارى ...............ـ

انتى مين

انتى مين انتى
خلتينى عمرى أحبك وأهواك انتى
ماشفت فى الدنيا غيرك انتى
أبعد بعيد وارجعلك يا عمرى انتى
أ لاقى حبى جواكى انتى
قلبى يطير على عشه جواكى انتى
عارف مكانه عندك انتى
حيفضل زمانه يحب فيكى وحدك انتى
هو له حد تانى غيرك انتى
دا انتى أنا وأنا انتى
عرفتى انتى مين انتى
انتى مين انتى

رمضان ولى

رمضان مضى
وكنـا لا نحـب الــوداع
رمضان ولى
و أيـامه مــرت ســراع
الناس صومى
فـى عبــادة وانـطيــاع
الوجه تجلى
قـرآن قراءة واستمـاع
المدائن والقرى
حب وسماح وانصياع
للصوت صدى
فـى المـآذن والمـذياع
البينة لمن ادعى
الله أكبر وله الارتفاع

عائدون يا أقصى

تهاوى الخراب وارتفع العمران
عشعشت الغـر وفـرت الجرذان
غـردت الحمائم وعـلا الكـروان
دقـت الأجـراس وارتـفـع الآذان
وعلـت اصوات عبـاد الرحـمان
بدعوات جـلال هــزت الأركان
يا أقصى عائدون نطهر المكان
عائدون نصلح ما أفسده الجبان
سنحفر الـبئر ونـزرع البسـتان
سننـثر العطـر ونشـتل الريحـان
القـدس لنـا نفتحـها لـكل الأديـان

أشجـــــان

أشجان من الأيام الخوالى كنت أرى فى نفسى قوة
.لا يفلها حديد ولا يحركها حدث ولكنى فجأة وبعد
..أن قرأت مداخلة من عضوة فى منتدى المجانين
. ..ردا على موضوع أثاره عضو آخر عن الشجن
.....والأشجان .......وحدث مالم يكن له حساب
ارتخاء غريب وعودة الى الماضى البعيد هناك على
الطاولة فى حديقة الفندق الحديث فى أطراف مصر
الجديدة قرب الميناء الجوى ......حيث تمنينا البنت
ولم نرزقها لحكمة ربنا هو الوحيد الذى يعرفهاوكانت
الدموع تنساب من مقليتها ليتذوق اللسان ملحها شهداً
يطفئ لظى قلب ويرطب الرضاب وكأنه قطرات ندى
تنسدل على الوجنات فتدغدغ عواطفها لترتج مهتزة
وترتفع الأنامل لتمسحها لتعيد العين كرتها قاطبة بالهدب
جفنيها ............ويالها من أشجان لم ....تكـ ...فى
الحسب دنوتها ولا ذكرى ولا حتى نشــــــــوتها ــــــــــ

حوارى الحلمية

أيام نجترها من زمن لن يعود ولكن عطرها ما
زال يفوح من هــــــناك من خلف سور ملاعب
المدرسـة السعـيدية حـيث المـنزل العتـيق و
الحوش السماوى والبنت الصغيرة ذات الثوب
الرقيق الحريروالتى ما ان ترانى حتى تتعلق
برقبتى ممسكة بيديها الصغيرة ياقة قميصى
تصففها وتعدلها وتهمس فى أذنى وحشتنى
أوى أوى هى الساعة كام الوأتى اتأخرت ليه
كانت فىالخامسة من عمرها ومازالت تردد
ها الى اليوم وعمرها يقترب من الستون

شــــــــــــــربات

جميلة الجميلات ...أصيلة سليلةحسب و
نسب لها شجرة عائلة مسطرة ومشهدة
متناسقة القوام عزيزة لدى قومها ......
اذا مرضت عادها الطبيب ولا يفارقهاالا
بعد الشفاء... وهى طفلة صغيرة تدللت
من الجميع وكانوا يتسابقون العطــــاء
هذا سكر وذاك ماء ورد هذا يربت الخد
وذاك يمسح الجباه .....ولما صارت فتاة
زادت جمالا وحسنا بان تنعم الشعــــــر
واسودت العيون وارتفع الصدر وطالت
الرقبة....وكثر الخطاب والأب يدرس و
المعلم يأبى هذا وذاك ...وجاء ابن العم
فهدا و قال أنا لها ..ولم ينبت أحد نبتت
شفاه و يوم العرس تسابق الجميع هذا
يسحب وذاك يربت والثالث يعزف الناى
لتهدء العروس وليستكين العريس.......
وتم الزفاف والكل سعيد فسيستديم.......
الأصل والحسب والنسب واليكتب من....
يكتب اسم الوليد فالأب فهد والأم ........
مهرتنا ....شربـــــــات

أم شيـــــــــرين

ههاها ها .....هكذا يصخب الحفيد أم شرين
جات .....أم شرين جات وتقوم الجدة باشة
مرحبة أهلا ......أهلا فينك يعنى مات جيش
الا بالطــــــلب ...وتبدأ الأحــضان والسلامات
وتتلاقى الشـــفاة بالــــخدود والأنامل تتعانق و
أين أبا شـــيرين وشيرين وحـــسن ماجوش و
لا ايه .....ازاى وهــــــما يأدروا بس بــيجيبو
الـــحاجة من التـــكسى وجايين .....وهـــــكذا
تبدأ أحداث زيارة أم شــــــيرين وزوجها على
وابنتها الكبرى شــــيرين وابنها الصغيرحسن
ولهذه ألــــــزيارة مشــاعر غيـر عادية للجميع
للجدة وأم شـــيرين صداقة العــــمر والطفولة
تحكيــــها حوارى الحـــلمية الجديدة وسكــــــة
راتب ومـــيدان الســــيدة زيـــــنب ومدرسة أمـ
المصريين للبــــــــــنات وأبا شيرين هذا الراجل
الطيب الـــــماهر فى عمله ولورشته الكهربائية
سمعة حسنة فى أرجاء المديـــــــنة ويعمل معه
حسن ابــــنه والذى تخرج من المعهد الصناعى
أما شيرين فهى فى السنة النهائيةبكلية التربية
وهى السبب الرئــــيسى لفرحة الأحفاد وخاصة
الصـغيرلمداعباتهالــه وركوب الخيل معه داخل
المزرعة فهى فارسة ماهرة علمــــــتها بنفسى
أما بالنسبة لى فــــــهى ابتسامة على المحيا و
وشجن الى الماضى الذى لا يعرفه غيرى حتى
بطلته ومحور قصـــــته لا تدرى عنه شيئا فهو
من نســــج خيالى و حراك مراهقتى فقد كانت
أم شيرين أول حب داهم قليبى الأخضر الصغير
قبل النضج وانفتاحه على من كانت نصيبى و
حبى الأخير ولا تدرى أنه الـــثانى ولاأنكره و
لكن مــــع نفسى .......................آآه
لو تدريان أنـــــتما الإثنتان ما أكتم ......بين
الضـــــلوع وما فى القـــــلب ..........يسكن

السجن مــوش قضبان

السجن مــوش قضبان وراها مســجون
ولا عصفور عايز يعيش على الغصون
ولا أســـد مع قـــرود السيرك مشـحون
ولا دمـعة حـزن محبوسـة فى العيـــون
ولا صـرخة مولـود عـايز أمه الحنــون
ولا مناضل شهروا قالـوا عليه مجنــون
ولا حر بيركعـوه لسيده ويقـول ممنـون
السجن يا سادة كلمـة ممنوعة بالقانــون
السجن أقــلام مــن غيــر سنــون
السجن رقابــة مانــعـة للفنـــــون
السجن شبــاب عاطــل محــزون
السجن قهــاوى مليــانة بالـزبــــون
السجن مـال تحـت البـلاط مـدفــون
السجن عـلم على الرفــوف مركـون
السجن اقتصاد عايش على الديــون
السجن موظف على مكتبه فرعـون
السجن عالـم جـوا معمــله مخــزون
السجن رغيف عالاستيراد مرهــون
السجن موش قضبان وراها مسجون